ජාතික මිල ගණන් පහළට

ජාතික පාරිභෝගික මිල දර්ශකය (NCPI) මගින් මනිනු ලබන පාරිභෝගික මිල ගණන් 2025 මාර්තු දක්වා මාස 12 තුළ සියයට 1.9 කින් පහත වැටුණු අතර එය පෙබරවාරි මාසය දක්වා දක්නට ලැබුණු සියයට 3.9 ක පහත වැටීමට වඩා මන්දගාමී බවයි විශ්ලේෂකයින් පෙන්වා දෙන්නේ. ආහාර උද්ධමනය වසරකට පෙර මාර්තු මාසයේදී සියයට 0.8 කින් ඉහළ ගිය නමුත් මාසික පදනමින් මනිනු ලබන මිල ගණන් සියයට 0.3කින් පහත වැටී තිබේ. සහල්, ලොකු ළූණු, බිත්තර, සීනි, කුකුල් මස් වැනි අත්‍යවශ්‍ය ආහාර ද්‍රව්‍යවල මිල මාසයකට පෙර මාර්තු මාසයේදී පහත වැටුණි. සාමාන්‍යයෙන් උත්සව ඉල්ලුම වැඩිවීම නිසා මිල ඉහළ යාමේ ප්‍රවණතාවයක් ඇති අතර පොල්, පොල්තෙල් සහ කිරිපිටි මිල ගණන් අඛණ්ඩව ඉහළ අගයක පෙන්නුම් කළේය. ආහාර නොවන භාණ්ඩ යටතේ, මාර්තු මාසයේදී විදුලිබල හා බලශක්ති මිල ගණන්වල කිසිදු වෙනසක් සිදු වී නොමැත. කෙසේ වෙතත්, වාර්ෂික ආහාර නොවන භාණ්ඩ මිල ගණන් සියයට 4.1 කින් පහත වැටුණු අතර මාසිකව මනිනු ලබන මිල ගණන් සියයට 0.1 කින් පහත වැටුණි.