සිරි දළදා වන්දනාවට පැමිණෙන සැඳැහැවතුන්ට පහසුකම් සලසන්න QR කේතයක්

සිරි දළදා වන්දනාවේ 5 වන දිනය අදයි. ඊයේ සිට දළදා වහන්සේ වන්දනාමාන කිරීමට ලබාදී තිබූ කාලය තවත් පැයකින් දීර්ඝ කෙරුණු අතර ඒ අනුව පෙරවරු 11 සිට පස්වරු 5.30 දක්වා දළදා වහන්සේ වැඳපුදාගත හැකියි. මේ අතර සිරි දළදා වන්දනාවට පැමිණෙන සැඳැහැවතුන්ට අවශ්‍ය තොරතුරු මාර්ගගත ක්‍රමය ඔස්සේ ලබා ගැනීමේ විශේෂ වැඩපිළිවෙළක්ද ඊයේ සිට ක්‍රියාත්මකයි. ඒ අනුව සනීපාරක්ෂක පහසුකම් ඇති ස්ථාන, දන්සැල්, යාවත්කාලින වන නිවේදන, ප්‍රථමාධාර සේවා ඇතුලු අනෙකුත් පහසුකම් මාර්ගගත ක්‍රමය ඔස්සේ ලබා ගැනීම සඳහා QR කේත ඇතුළත් පුවරු ස්ථාපිත කර තිබේ.