අධිවේගයේ ආදායම කෝටි 13 ඉක්මවයි

අලුත් අවුරුදු සමය හේතුවෙන් පසුගිය දින 03ක කාලය තුළ අධිවේගී මාර්ගයෙන් රුපියල් මිලියන 134ක ආදායමක් උපයාගෙන ඇත. අධිවේගී මාර්ග නඩත්තු හා කළමනාකරණ අංශය පැවසුවේ, පසුගිය අප්‍රේල් 11,12 සහ 13 දිනවලදී පමණක් අධිවේගී මාර්ගයේ වාහන තුන්ලක්ෂ 87,000ක් ධාවනය කර ඇති බවයි. පසුගිය දින 2 ක කාලය තුළ අධිවේගී මාර්ගයෙන් රුපියල් දසකෝටි 23 ලක්ෂ 78,800ක ආදායමක් උපයා තිබුණි. පසුගිය 11 සහ 12 දිනවල අධිවේගී මාර්ගයේ ධාවනය වූ වාහන 297,736 කින් එම ආදායම උපයාගැනීමට හැකිව ඇත.